فەرمی: فابیان ڕویز پەیوەندی بە پاریسەوە كرد

یاریگا-

یانەی پاریس سان جێرمانی فەڕەنسی سەركەوتوو بوو لە گواستنەوەی ئەستێرەیەكی خولی ئیتاڵی.

هەژماری فەڕمی پاریس لە تۆڕی كۆمەڵایەتی تویتەر ڕایگەیاند سەركەوتوو بوون لە گواستنەوەی فابیان ڕویز و گرێبەستەكەی بۆ ماوەی پێنج ساڵ دەبێت.

یانە فەڕەنسیەكە بڕی گرێبەستەكەی ئاشكرا نەكردووە بەڵام سەرچاوەكان ئاماژە بەوە دەكەن كە یاریزانەكە بە بڕی 22 ملیۆن یۆرۆ و گۆڕانكاریەوە پەیوەندی بە یانەكەوە كرد.

ڕویز لەگەڵ ناپۆلی 166 یاری ئەنجامداوە و 22 گۆڵی تۆمار كردووە و 15 گۆڵیشی درووست كردووە.