ئینگلتەرا
بۆرنماوس راهێنەرەکەی دوورخستەوە دوای ٠-٩ ـەکە
یانەی بۆرنماوسی ئینگلیزی دوای تێپەڕبوونی تەنها چوار گەڕ، بڕیاریدا سکۆت پارکەری راهێنەر دووربخاتەوە.
بڕیارەکەی بۆرنماوس پاش ئەوە هات لە شکستێکی مێژووییدا هەفتەی رابردوو ئەو یانەیە ٠-٩ دۆڕان بە لیڤەرپوول و چووە ریزی گەورەترین شکستەکانی مێژووی خولەکە.
بۆرنماوس بە راهێنەرایەتی سکۆت توانی یەکەم هەفتەی خولەکە بە بردنەوە دەست پێبکات و شکست بە ئەستۆن ڤیلا بهێنێت بەڵام نەهامەتییەکانی دوای ئەوە دەستی پێکرد کاتێک بەدوای یەکدا رووبەرووی مان سیتی، ئارسناڵ و لیڤەرپوول بووەوە و بە هەرسێ یارییەکە ١٦ گۆڵی لێ تۆمارکرا.
مەکسیم دێنیمی بەڕێوبەری بۆرنماوس وتی “دەمەوێت سوپاسی سکۆت و ستافەکەی بکەم بۆ کارەکانیان، گەڕاندنەوەی یانەکە بۆ پریمەرلیگ لە وەرزی رابردوودا یەکێک بوو لە باشترین وەرزەکانی مێژوومان”.