لوکاس پاکێتا بووە یاریزانی وێستهام

یاریگا–
لوکاس پاکێتا، ناوەڕاستکاری بەڕازیلی بەشێوەیەکی فەرمی پەیوەندی بە ریزەکانی یانەی وێستهام یونایتدی ئینگلیزی کرد.

ماڵپەری فەرمی یانەی وێستهام یونایتدی ئینگلیزی بڵاویکردەوە لەگەڵ ناوەڕاستکارە بەڕازیلیەکەی پێشووی یانەی ئۆڵمپیک لیۆنی فەرەنسی گەیشتنە رێکەوتن و ئەو یاریزانە بۆ ماوەی پێنج وەرز واتە تاوەکو ساڵی 2027 پەیوەندی بە یانەکەیان کرد.

یانە ئینگلیزیەکە باسی لە تێچووی گرێبەستەکە نەکردووە، بەڵام سەرچاوەکان باس لەوە دەکەن پاکێتا بەرامبەر 43 ملیۆن یۆرۆ لەگەڵ 17 ملیۆن یۆرۆ گۆڕانکاری پەیوەندی بە وێستهام کردووە.