تۆنالی بەر لە سەرەتای وەرز تووشی پێکان هات

ساندرۆ تۆنالی ئەستێرەی هێڵی ناوەڕاستی ئەیسی میلان تووشی پێکان هاتووە.

ناوبراو لە یارییە دۆستانەکەی بەرامبەر ڤیچێنزا ئازاری پێگەیشتووە. بەگوێرەی سکای سپۆرتیش پێکانەکەی مەترسیدار نیە و پێویستی بە نەشتەرگەری نیە بەڵام ئەگەری بەشداریکردنی لاوازە لە یەکەم هەفتەی وەرزی نوێ بەرامبەر ئودێنزی.

تۆنالی بە پیرلۆی نوێ ناسراوە لە ئیتاڵیا و وەرزی رابردوو رۆڵێکی گرنگی گێڕا لە بردنەوەی ناسناوی خولی ئیتاڵی بۆ رۆسۆنێری.