شەش یانەی زلهێزی ئەوروپا چاویان لە یاریزانێكی سالزبۆرگە

یاریگا-

پاریس سانجێرمان خۆی ئامادە دەکات بۆ ئەوەی بچێتە ناو کێبڕکێیەکی بەهێزەوە لەگەڵ 5 یانەی زلهێزی ئەوروپا بۆ بەدەستهێنانی گرێبەستێکی هێرشبەری.

ڕۆژنامەی “ئاس”ی ئیسپانی ئاماژەی بەوە کردووە کە پاریس سانجێرمان ڕکابەری لەگەڵ یانەکانی بارسێلۆنا و ڕیاڵ مەدرید و ئەتلەتیکۆ مەدرید و لیڤەرپوول و چێڵسی دەکات بۆ گواستنەوەی بنیامین سیسکۆ، هێرشبەری سالزبۆرگی نەمساوی.

ئاماژەی بەوەشکردووە، سیسکۆی تەمەن 19 ساڵ، سەرنجی یانەی لیڤەرپوڵی ڕاکێشا، لە یارییە دۆستانەكەیاندا كە هەردوولا ڕووبەڕووی یەك بوونەوە.

هەمان سەرچاوە ئاشكرایكردووە ، سیسکۆ بە بەرزیە سەرنجڕاکێشەكەی كە 191 سم، و تواناکانی لە تۆمارکردنی گۆڵ وەك ئیرلینگ هالاندی نوێ ناو دەبرێت.