یاریگا-
داهاتووی تیمۆ ڤێرنەری ئەڵمانی و هێرشبەری یانەی چێڵسی ئینگلیزی تا ئێستا دیار نیە و نزیكە لە جێهێشتنی یانەكەی لە گواستنەوەكانی هاوینەدا.
ڤێرنەر گرێبەستەکەی لەگەڵ بلوز لە هاوینی ساڵی 2025 کۆتایی دێت، وەرزی رابردوو بە بەردەوامی بەشداری لە پێکهاتەی سەرەکی یانەكەدا نەکرد و بۆیە دەیەوێت ڕیزەكانی یانەكەی جێبهێڵێت.
فابریزیۆ رۆمانۆ ، ڕۆژنامەنووسی ئیتاڵی و شارەزای گواستنەوەی یاریزانان لە هەژماری تایبەتی خۆی نوسیویەتی: یانەی چێڵسی ئامادەیە بە خواستن دەستبەرداری ڤێرنەر بێت.
ئاماژەی بەوەشکردووە، ڤێرنەر لە لیستی یانەی یوڤێنتوس و لایپزیگدایە و هەردوو یانە هەوڵی گواستنەوەی دەدەن ، بەڵام دانوستانەکان لەگەڵ هەردوو یانەکە نزیک نین لە تەواوبوون.
وە لە کۆتاییدا وتی نیوکاسڵ یونایتد تا ئێستا نەچووەتە گفتوگۆی ڕاستەوخۆ لەگەڵ چێڵسی بۆ گرێبەستکردن لەگەڵ ڤێرنەر.
