ئیتاڵیائیسپانیابازاڕی گواستنه‌وه
دی لاورێنتیس: بارسا پارەی کۆلیبالی پێ نەبوو
ئاورێلین دی لاورێنتیس سەرۆکی یانەی ناپۆلی دەڵێت بارسێلۆنا بەر لە چێڵسی هەوڵی گواستنەوەی کالیدۆ کۆلیبالیان داوە بەڵام پارەکەیان پێ نەبووە.
کۆلیبالی سەرەنجام چووە چێڵسی و بارساش هەوڵی هێنانی بەرگریکارێکی دیکە دەدات، بەڵام سەرۆکەکەی ناپۆلی بۆ رادیۆی کیس کیس ناپۆلی دەڵێت بەرگریکارەکەی پێشوویان ئامانجی ئەوان بووە و وتی “رێگەم دا کۆلیبالی بڕوات چونکە داوای لێکردم ئەو کارە بکەم، بارسا هاتنە پێش بەڵام پارەیان پێنەبوو وتییان قەرزارین و پاشان ئەوان چێڵسی هاتن، هەموو هاوڵێکم دا کە ئەو بهێڵمەوە و ئامادەبووم موچەکەی بۆ شەش ملیۆن یۆرۆی ساڵانە بەرزبکەمەوە، لەگەڵ ئەوەشدا ئەگەر یاریزانێک ئەزموونێکی نوێی بوێت لە یانەیەکی گەورە و لە بەهێزترین خولی جیهان دەبێت تەنها بیر لەوە بکەیتەوە کە خزمەتی تۆی کردووە و دەبێت هاوکاری بیت نەک رێگەی لێبگریت”.
