مێندێز هەواڵێکی ناخۆشی گەیاندە رۆناڵدۆ

یاریگا–
خۆرخێ مێندێز، بەرێوەبەری کارەکانی کریستیانۆ رۆناڵدۆ ئەو یاریزانەی ئاگادار کردووەتەوە، یانەی ئاتلێتیکۆ مەدرید لە توانایدا نیە بیگوازنەوە.

ماڵپەری Cope ئیسپانی بڵاویکردەوە، بەرێوەبەری کارەکانی گۆڵکارە پۆرتوگاڵیەکە، هەفتەی رابردوو پەیوەندی بە بەڕێوەبەری جێبەجێکاری یانە ئیسپانیەکە کردووە، بۆ ئەوەی دۆن بگوازنەوە ریزەکانیان، بەڵام ناوبراو سوپاسی ئەو کەسە دەکات و دەڵێت ئەوان لە توانایاندا نیە گۆڵکارەکەی مانچێستەر یونایتد بگوازنەوە.

رۆناڵدۆ بریاریداوە ریزەکانی یانەکەی جێبێڵێت، بەڵام تاوەکو ئێستا سەرکەوتوو نەبووە لە دۆزینەوەی یانەیەکی نوێ.