یاریگا–
یانەی بارسێلۆنای ئیسپانیا ئەم هاوینە هەموو رێگەیەک تاقیدەکاتەوە بۆ ئەوەی داهاتی جۆراوجۆر کۆبکەنەوە لە پێناو گواستنەوەی یاریزانی نوێ.
رۆژنامەی سپۆرتی کەتەلۆنی بڵاویکردەوە، کارگێری بارسا مانگی رابردوو لە کۆبونەوەی خۆیاندا رازی بوون بە فرۆشتنی مافی گواستنەوەی یارییەکان و دواجار ئەو یانەیە کە پێشتر %10 پشکی مافی گواستنەوەی یارییەکانیان داوەتە کۆمپانیای سیکس ستریت، بریاریدا ئەمجارەیان %15 دیکەش بەم کۆمپانیایە بفرۆشنەوە و بەرامبەر ئەو پشکەیان نزیکەی 300 بۆ 320 ملیۆن یۆرۆی دیکەیان دەستدەکەوێت.
سەرچاوەکە ئاماژەی بەوەش کردووە بارسێلۆنا ئێستا زیاتر لە یەک ملیار یۆرۆ قەرزارە و سەرەتا پێویستە بەشێک لە قەرزەکانی بداتەوە، ئینجا بەم پارەیە بیر لە گواستنەوەی چەند یاریزانێکی نوێ بکاتەوە.
