ریال مەدرید دەستبەرداری مایۆرال دەبێت

یاریگا–
یانەی ریال مەدریدی ئیسپانیا ئامادەیە بەرامبەر 10 ملیۆن یۆرۆ دەستبەرداری بۆرخا مایۆرال هێرشبەری یانەکەیان بێت.

رۆژنامەی وەرزشی مارکای ئیسپانی بڵاویکردەوە، هێرشبەرە 25 ساڵانەکەی مێرنگی دوای دوو وەرز یاریکردن بەشێوەی خواستن بۆ یانەکانی رۆما و خیتافی، جارێکی دیکە گەڕایەوە یانەکەی و، شاهانەکان ئامادەن بەرامبەر 10 ملیۆن یۆرۆ بە یەکجاری دەستبەرداری بن.

مایۆرال لە یانەکانی خیتافی و سێلتاڤیگۆ و بۆلۆنیا ئۆفەری بۆ هاتووە و چاوەڕێ دەکرێت وەرزی داهاتوو درێسی یەکێک لەم سێ یانەیە لەبەر بکات.