ئەمڕۆ چارەنوسی دیبالا یەكلا دەبێتەوە

یاریگا-

ڕاپۆرتە ڕۆژنامەوانیەكانی ئیتاڵیا ئاشكرایانكرد ئەمڕۆ دووشەممە كۆبونەوەیەكی گرنگ سەبارەت بە داهاتووی پاولۆ دیبالای ئەرجەنتینی و ئەستێرەی پێشووی یانەی یوڤێنتوسی ئیتاڵی دەكرێت.

دوای كۆتاییهاتنی گرێبەستەكەی لەگەڵ یوڤێنتوس دیبالا ڕیزەكانی یانەكەی جێهێشت و ناوی بە ئینتەر میلانەوە بەستراوەتەوە.

پێگەی تۆتۆ مێركاتۆ ئاشكرایكرد بەڕێوەبەری وەرزشی ئینتەر و بەڕێوەبەری كارەكانی دیبالا كۆدەبنەوە و یاریزانەكەش دەیەوێت پەیوەندی بە ڕیزەكانی ئینتەرەوە بكات.

لە گواستنەوەكانی هاوینەدا ئینتەر تا ئێستا چوار یاریزانی گواستووەتەوە ڕیزەكانی ئەوانێش ڕۆمێرۆ لۆكاكۆ ، هینریك میختاریان ، كریستیان ئەسڵانی و ئەندرێ ئۆنانا.