بێرناردۆ سیلڤا داوای رۆیشتن لە مان سیتی دەکات

یاریگا-بێرناردۆ سیلڤا داوای لە پێپ گواردیۆلای راهێنەری یانەکەی کردووە رێگەی بدەن رووبکاتە بارسێلۆنا.

بلەوگرانا هەوڵ بۆ ئەو یاریزانە دەدات و لە کۆتا لێدوانیش گواردیۆلا رایگەیاندبوو ئامادەنین ئەو یاریزانە بفرۆشن بەڵام هەواڵەکانی ئەمڕۆ لە ئینگلتەراوە ئاماژە بەوە دەکەن،خودی یاریزانەکە دەیەوێت رووبکاتە بارسا.

بەگوێرەی رۆژنامەی سپۆرتی کاتالۆنیش، سیلڤا، خۆرخی مێندێزی بریکاری ئاگادارکردووەتەوە هەوڵەکانی بخاتە گەڕ بۆ ئەوەی گواستنەوەکە بگاتە ئەنجام.

ئەوەی کارەکە قورستر دەکات مانەوەی فرانک دی یۆنگە لەبارسا و یانەکە پێویستی بەو پارەیە تاوەکو بتوانێت سیلڤا بگوازێتەوە.