فەرمی: نیس لەدەستدانی راهێنەرەکەی لە بەرژەوەندی پاریس راگەیاند

یانەی نیسی فەڕەنسی ئاشکرایکرد کریستۆف گاڵتیێ ی راهێنەری یانەکەیان دەستی لەکار کێشاوەتەوە.

کریستۆف بژاردەی یەکەمی پاریس بوو دوای دوورخستنەوەی ماوریسیۆ پۆچێتینهۆ و رێکنەکەوتن لەگەڵ زینەدین زیدان. بەگوێرەی فابریزیۆ رۆمانۆڤ هەر لەم هەفتەیەدا گاڵتیێ ئەرکی مەشق و راهێنانی پاریس وەردەگرێت.

هاوکات یانەی نیس رایگەیاند لوسیێن فاڤرێی راهێنەری پێشووی بۆروسیا دۆرتموند لەجێگەی کریستۆف دەبێتە راهێنەری یانەکەیان.