پۆگبا یوڤێنتوس بەسەر پاریسدا هەڵدەبژێرێت

یاریگا-

ڕاپۆرتە ڕۆژنامەوانیەكانی ئیتاڵیا ئاشكرایانكرد پاریس سان جێرمان هەوڵی كۆتایی خۆی دەداتبە مەبەستی گواستنەوەی پۆل پۆگبا.

دوای كۆتاییهاتنی گرێبەستەكەی لەگەڵ مانچێستەر یۆنایتد بە شێوەیەكی فەرمی شەیتانە سورەكان ڕۆشتنی ناوەڕاستكارە فەڕەنسیەكەیان لە ڕیزەكانی یانەكەیان ڕاگەیاند.

بەپێی زانیاریەكانی ڕۆژنامەی لا ڕیبوبلیكای ئیتاڵی پاریس سان جێرمان ئۆفەرێكی پێشكەشی پۆگبا كرد كە موچەكەی 13.5 ملیۆن یۆرۆیە لە وەرزێكدا كە ئەوە زۆر زیاترە لەوەی یوڤێنتوس پێشنیاری كردووە.

هەمان سەرچاوە ئاشكرایكردووە كە سەرەڕای ئەوەش پۆگبا ڕەتیكردووەتەوە و دەیەوێت لە یوڤێنتوس یاری بكاتەوە و چاوەڕوان دەكرێت لەو چەند ڕۆژەدا بە فەڕمی گرێبەستەكەی ڕابگەیەندرێت.