داروین نونێز بووە گرانترین یاریزانی مێژووی لیڤەرپوول
یاریگا-یانەی لیڤەرپوول و بەنفیکا گەیشتوونەتە رێککەوتنی کۆتایی بۆ گواستنەوەی داروین نونێزی هێرشبەری پۆرتوگالی.
بەگوێرەی ئەتلەتیک،گواستنەوەکە بەرامبەر بە ١٠٠ ملیۆن یۆرۆ (٧٥ ی جێگیر و ٢٥ بەپێی ئاست و ئەنجام) دێتە ئەنجامدان.
خودی یاریزانەکەش رازیبووە واژۆ لەسەر گرێبەستێک بکات بۆ شەش وەرز و موچەکەی نزیکەی حەوت ملیۆن یۆرۆی ساڵانە دەبێت.
وابڕیارە سبەی دووشەممە پشکنینی پزیشکی بۆ ئەنجام بدرێت و راستەوخۆ گرێبەستەکە واژۆبکرێت.
داروین نونێز هێرشبەرێکی باڵابەرزە و وەرزی رابردوو ٣٤ گۆڵی لە ٤١ یاری بۆ بەنفیکا تۆمارکرد. ناوبراو لە ٢٠٢٠دا لە ئەلمێریای ئیسپانییەوە گوێزرایەوە بۆ بەنفیکا بەرامبەر بە ٢٤ ملیۆن یۆرۆ. بەپێی رێککەوتنی فرۆشتنەکەشی، ئەلمێریا ٢٠٪ی بڕە پارەی گواستنەوەکەی بۆ لیڤەرپوول وەردەگرێت.
لە باری بەدەستهێنانی خەڵاتە گۆڕاوەکان (بەپێی ئاست و ئەنجام) داریۆ دەبێتە گرانترین یاریزانی مێژووی یانەکە و پێش ڤێرجل ڤان دایک دەکەوێت.
