یاریگا-
یانەی بارسێلۆنای ئیسپانی بڕیاری كۆتایی خۆی داوە سەبارەت بە نوێكردنەوەی گرێبەستی عوسمان دیمبلی فەڕەنسی و ئەستێرەی یانەكەیان.
گرێبەستەكەی دیمبوز لەگەڵ بلاوگرانا لە هاوینی ئەمساڵدا بەسەردەچێت و تا ئێستاش هەردوولا ڕێك نەكەوتون لەسەر نوێكردنەوەی گرێبەستەكەی.
بەپێی زانیاریەكانی ڕۆژنامەی مۆندۆ دیپۆرتیڤۆی ئیسپانی بارسێلۆنا لە دیمبلی ماندوو بووە و بڕیاریداوە فایلی نوێكردنەوەی گرێبەستەكەی دابخات.
هەروەها ڕۆژنامەكە ئەوەشی ئاشكرا كردووە كە یانەكە لە دیمبلی و بەڕێوەبەری كارەكانی زۆر توڕەیە و ڕەتیدەكاتەوە هیچ كۆبوونەوەیەكیان لەگەڵ بكاتەوە بە مەبەستی نوێكردنەوەی گرێبەستەكەی.
ڕۆژنامەكان ناوی هێرشبەرە فەڕەنسیەكەیان بە هەریەك لە یانەكانی چێڵسی و پاریس سان جێرمانەوە بەستووەتەوە.
