یاریگا–
یۆرگێن کلۆپ، راهێنەری ئەڵمانی یانەی لیڤەرپوولی ئینگلیزی داوای گواستنەوەی سۆن هیۆنگ مینگ هێرشبەری کۆری یانەی تۆتێنهامی کردووە.
ماڵپەری فتبۆل لەندەن بڵاویکردەوە، راهێنەرە ئەڵمانیەکەی رێدز داوای لە کارگێری یانەکەی کردووە، بۆ وەرزی داهاتوو هەوڵ بۆ گواستنەوەی هێرشبەرەکەی سپێرز بکەن، بۆیە چاوەڕێ دەکرێت دوای کرانەوەی وادەی گواستنەوەی یاریزانان، هەوڵەکان بۆ گواستنەوەی ئامانجەکە دەست پێ بکرێت.
سۆن لەگەڵ یانەی تۆتێنهام ئەم وەرزە بە تۆمار کردنی 23 گۆڵ لەگەڵ محەمەد سەڵاح بووە گۆڵکاری ئەم وەرزەی پرێمەرلیگ و، گرێبەستەکەی لەگەڵ یانەکەی ساڵی 2025 کۆتایی دێت.
