چی گۆڕاوە لە ڕیاڵ مەدرید و لیڤەرپول لە دوای یاری كۆتایی 2018ەوە

یاریگا-

گۆڕانكاریەكانی هەردوو یانەی ڕیاڵ مەدریدی ئیسپانی و لیڤەرپولی ئینگلیزی لە دوای یاری كۆتایی چامپیۆنزلیگی ساڵی 2018.

وا بڕیارە سبەینێ شەممە كاتژمێر 22:00 بە كاتی كوردستان هەردوو یانەی ڕیاڵ مەدرید و لیڤەرپول لە یاری كۆتایی چامپیۆنزلیگ لە پاریسی پایتەختی فەڕەنسا ڕووبەڕووی یەك ببنەوە.

ڕاهێنەر:

ڕیاڵ مەدرید یاری كۆتایی چامپیۆنزلیگی ساڵی 2022 بە ڕاهێنەرایەتی كارلۆ ئەنچیلۆتی ئەنجام دەدات لە جێگای زەینەدین زێدان كە ڕاهێنەرایەتی مێرینگی كرد لە یاری كۆتایی 2018.

یاریەكەی سبەینێ یاری ژمارە 17ی كارلۆ ئەنجام دەبێت بەرامبەر لیڤەرپول لەگەڵ سەرجەم ئەو یانانەی ڕاهێنەرایەتی كردوون ، لە 8 یاری براوە بووە و لە پێنج یاری شكستیانهێناوە و لە سێ یاری یەكسان بوون.

لیڤەرپول بەهەمان شێوەی 2018 بە ڕاهێنەرایەتی یۆرگن كلۆپ ڕووبەڕووی ڕیاڵ دەبێتەوە.

یاریزانەكان:

ڕیاڵ مەدرید بە بێ حەوت یاریزانی یاری كۆتایی 2018 ڕووبەڕووی لیڤەرپول دەبێتەوە ئەوانیش: كەیلۆر ناڤاس ، كاسیا ، ڕامۆس ، ڤاران ، ڕۆناڵدۆ ، تیۆ هێرناندێز ، كۆڤاسیچ.

ئەو یاریزانە نوێیانە هاتوونەتە ڕیاڵ لە دوای 2018: كۆرتووا ، لۆنین ، میلیتاو ، ئالابا ، ڤاییخۆ ، میندی ، ڤاڵڤێردی ، سیبایۆس ، كامافینگا ، هازارد ، یۆڤیچ ، ڤینیسیۆس ، ڕۆدریگۆ ، دیاز.

لیڤەرپول 10 یاریزان ڕیزەكانی یانەكەیان جێهێشتووە ئەوانیش: كاریۆس ، مینۆلیە ، لۆڤرین ، ڤیناڵدۆم ، كلاین ، كلاڤان ، مۆرینۆ ، ئیمیری كان ، سولانكی ، لالانا.

ئەو یاریزانە نوێیانە هاتوونەتە لیڤەرپول: ئەلیسۆن ، ئەدریان ، كۆناتی ، تسیمكاس ، فابینهۆ ، دیاز ، كەیتا ، ئەلكانتارا ، جۆتا ، مینامینۆ ، ئیلیۆت.

لە دوای یاری كۆتایی 2018 ڕیاڵ مەدرید پێنج نازناوی بردووەتەوە: دوو خولی ئیسپانی ، جامی جیهانی یانەكان ، سوپەری ئیسپانیا دوو جار.

لیڤەرپول شەش نازناوی بردووەتەوە: پریمەرلیگ ، جامی جیهانی یانەكان ، چامپیۆنزلیگ ، جامی یەكێتی ئینگلتەرا ، كاراباو كەپ ، سوپەری ئەوروپا.