یاریگا-
ڕاپۆرتە ڕۆژنامەوانیەكانی ئیتاڵیا ئاشكرایانكرد كەوا هینریك میختاریانی ئەرمەنی و یاریزانی یانەی ئەی سی ڕۆمای ئیتاڵی نزیكە لەوەی پەیوەندی بە ڕیزەكانی ئینتەر میلانەوە بكات.
بەپێی زانیاریەكانی ڕۆژنامەی كۆرێری دیلۆ سپۆرتی ئیتاڵی میختاریان گرێبەستەكەی لەگەڵ ڕۆما نوێ ناكاتەوە و پەیوەندی بە ئینتەر میلانەوە دەكات.
گرێبەستەكەی ناوەڕاستكارە ئەرمەنیەكە لە هاوینی ئەمساڵدا بەسەردەچێت.
هەمان سەرچاوە ئەوەشی ئاشكرا كردووە كە بێگومان گرێبەستی میختاریان بۆ ئینتەر كۆتایی هاتووە و یاریزانەكە ساڵانە 3.5 ملیۆن یۆرۆ وەردەگرێت و تا ساڵی 2024 واژۆ لەسەر گرێبەستەكەی دەكات.
لەم وەرزەدا میختاریان 44 یاری لەگەڵ گورگەكان ئەنجامدا و پێنج گۆڵی تۆمار كرد و توانی نۆ گۆڵیش درووست بكات.
