یاریگا-
خوان لاپۆرتای سەرۆكی یانەی بارسێلۆنای ئیسپانی دووپاتیكردەوە عوسمان دیمبلی فەڕەنسی و ئەستێرەی یانەكەیان دەیەوێت بمێنێتەوە و گرێبەستەكەی نوێ بكاتەوە.
گرێبەستەكەی دیمبلی لەگەڵ بارسێلۆنا لە هاوینی ئەمساڵدا بەسەردەچێت و تا ئێستا یاریزانەكە گرێبەستەكەی نوێ نەكردووەتەوە.
لاپۆرتا لە لێدوانیدا بۆ ڕادیۆ كەتەلۆنیا ووتی: دیمبلی دەیەوێت بمێنێتەوە ، ئۆفەرمان پێشكەش كردووە و هەفتەی داهاتوو وەڵاممان دەداتەوە ، دەمانەوێت كێشەكە كۆتایی پێ بهێنین.
هەروەها ووتیشی: منیش و چاڤیش دیمبلیمان خۆش ئەوێ ، تەواوی هەوڵی خۆمان دەدەین بۆ هێشتنەوەی ، وا دەبینم لەگەڵ هەمووانیش ئاسودە بێت.
لە كۆتایشدا ووتی: گرێبەستمان لەگەڵ ئۆبامیانگ هاوڕێ نزیكەكەی واژۆ كرد بۆیە من هیوادارم بمێنێتەوە.
