ناچۆ داهاتووی خۆی یەکلایی کردەوە

یاریگا–
ناچۆ فێرناندێز، بەرگریکاری ئیسپانی یانەی ریال مەدریدی ئیسپانیا ئامادەیە گرێبەستەکەی لەگەڵ یانەکەی نوێ بکاتەوە.

بەرگریکارەکەی مێرنگی وەرزی داهاتوو گرێبەستەکەی لەگەڵ یانەکەی کۆتایی دێت، رۆژنامەی وەرزشی مارکا ئاشکرای کردووە، کارگێری یانەکەی ئامادەیە ئەو یاریزانە بۆ ماوەی ساڵێکی دیکەش واتە تاوەکو ساڵی 2024 گرێبەستەکەی نوێ بکاتەوە و، خودی یاریزانەکەش بەم داوایە رازییە.

ناچۆ لەوەتەی ساڵی 2013 لە ریزەکانی یانەی ریال مەدرید یاری دەکات و، لەگەڵ یانەکەی لە سەرجەم خوڵ و پاڵەوانتیەکان بەشداری 272 یاریکردووە.