‎هاندەرانی بارسێلۆنا سزا دەدرێن

یاریگا–
‎یەکێتی تۆپی پێ ئەوروپا لێکۆلینەوە لەسەر رووداوی دوای یارییەکەی نێوان بارسێلۆنا و ئێنتراخت فرانکفۆرت لە یۆرۆپالیگ دەکات.

‎رۆژنامەی وەرزشی مۆندۆدێپۆرتیڤۆی کەتەلۆنی بڵاویکردەوە، بەهۆی گرژی و ئالۆزییەکانی هاندەرانی بلاوگرانا بەرامبەر هاندەرانی یانە ئەڵمانیەکە، یوێفا بریاریداوە لێکۆلینەوە لەسەر رووداوەکە بکات و، چاوەڕێش دەکرێت هاندەرانی یانەکەیان تووشی سزایەکی قورس ببنەوە.

‎دوای یارییەکەی نێوان هەردوو یانە لە دەرەوەی یاریگا، هاندەرانی بارسێلۆنا بەربونە گیانی هاندەرانی بەرامبەر چەند هاندەرێکیان بریندار کرد.