ئیسپانیا
ئەو پارەیەی بارسا قازانجی کرد لە فرۆشتنی بلیتەکانی یاری فرانکفۆرت
ئێلێنا فۆرت جێگری دامەزراوەیی سەرۆکی بارسا رایدەگەیەنێت لەرێی فرۆشتنی بلیتی یارییەکانی فرانکفۆرتەوە سێ ملیۆن یۆرۆیان قازانجکردووە!
ئێلێنا فۆرت بۆ کادینا سێر جگە لە داوای لێبوردن لە هاندەران بۆ ئەوەی کە روویدا، وتی “رووداوێکی ناخۆش بوو، سێ ملیۆن یۆرۆ کۆکرایەوە بەڵام ئەو پارەیە دڵتەنگی کردین”.
جێگری سەرۆکەکە وتیشی “تا ئێستا بەتەواوی نازانین چی روویدا بەڵام بەرپرسی یەکەم لەم رووداوە هەر یانەکەیە”.
بلەوگرانا یەکێک لە گەورەترین یاریگاکانی ئەورووپای هەیە و جێگەی زیاد لە ٩٦ هەزار هاندەر دەبێتەوە بەڵام لەو یارییەی کە دەبوو تەنها پێنج هەزار بلیت بفرۆشرێت بە هاندەرانی یانەی میوان، زیاد لە ٣٥ هەزار هاندەری ئینتراخت فرانکفۆرت ئامادەبوون.
