یاریگا-
یانەی بارسێلۆنای ئیسپانی بەیاننامەیەكی فەرمی سەبارەت بە پێكانەكەی پێدری گۆنزالیز ئەستێرەی لاوی یانەكەی بلاوكردەوە.
شەوی ڕابردوو لە یاری یانەكەی بەرامبەر ئینتراخت فرانكفۆرت پێدری تووشی پێكان هات و لە سەرەتایی گێمی دووەمدا یاریگای جێهێشت.
ئەمڕۆ ناوەڕاستكارە ئیسپانیەكە پشكنینی ئەنجامداوە و یانە كەتەلۆنییەكەش لە بەیاننامەیەكدا وردەكاریەكەی خستووەتە ڕوو.
لە پشكنینەكاندا دەركەوتووە كە پێدری تووشی پچڕانی ماسولكەی بووە لە ڕانی چەپیدا و لە یاریەكانی داهاتوودا ناتوانێت بەشداری بكات.
لە بەیاننامەكەدا ماوەی دووركەوتنەوەی ئاشكرا نەكراوە بەڵام زۆربەی سەرچاوەكان ئاماژە بەوە دەكەن كە ئەم وەرزە بۆ یاریزانەكە كۆتایی هاتووە.
