یاریگا-
ماتیۆ ئەلیمانی ، بەڕێوەبەری وەرزشی یانەی بارسێلۆنای ئیسپانی باس لە ڕاستی ڕێككەوتنیان لەگەڵ ڕۆبەرت لیڤاندۆڤسكی پۆڵەندی و هێرشبەری یانەی بایرن میونشنی ئەڵمانی دەكات.
زۆربەی سەرچاوەكان باسیان لە ڕێككەوتنی بارسێلۆنا و لیڤاندۆڤسكی دەكرد بەڵام ئەلیمانی هەموو شتێكی ئاشكرا كرد.
لە لێدوانی ڕۆژنامەوانیدا كە ڕۆژنامەی ماركا بڵاویكردووەتەوە ئەلیمانی ووتی: هیچ ڕێككەوتنێكمان نیە لەگەڵ لیڤاندۆڤسكی ، ئەوە تەنها پڕ و پاگەندەی ڕۆژنامەكانن.
هەروەها ووتیشی: ئەوەی دەوترێت ڕاست نیە ، ئەگەریش بمانەوێت بەدەستی بهێنین یەكەم شت قسە لەگەڵ یانەكەی دەكەین.
گرێبەستەكەی لیڤاندۆڤسكی لەگەڵ بایرن لە هاوینی 2023 بەسەردەچێت و تا ئێستا نەگەشتوونەتە ڕێككەوتن بۆ نوێكردنەوەی گرێبەستەكەی.
