یاریگا–
چاڤی هێرناندێز، راهێنەری یانەی بارسێلۆنای ئیسپانیا لە کۆنگرەی رۆژنامەوانی پێش یاری یانەکەی بەرامبەر لیڤانتی هیوای خواست یانەکەی گرێبەستەکەی گاڤی نوێ بکاتەوە.
راهێنەرەکەی بلاوگرانا سەبارەت بە داهاتووی یاریزانە لاوەکەی یانەکەی گووتی ” ئەو یاریزانێکی بە توانایایە و داهاتوویەکی باش چاوەڕێ دەکات، بابەتی نوێکردنەوەی گرێبەستەکەی پەیوەندی بە منەوە نیە و ئەو کاری کارگێری یانەکەمان و بەرێوەبەری کارەکانیەتی، بەڵام هیوادارم کە گرێبەستەکەی نوێ بکرێتەوە و لەگەڵ یانەکەمان بەردەوام بێت ”.
گاڤی هاوینی ساڵی داهاتوو واتە 2023 گرێبەستەکەی لەگەڵ بارسێلۆنا کۆتایی دێت و، تاوەکو ئێستا هیچ هەوڵێک بۆ نوێکردنەوەی گرێبەستەکەی نەبووە، لە کاتێکدا چەندین یانەی گەورەی ئەوروپی چاویان بڕیوەتە تواناکانی ئەو یاریزانە لاوە.
