یاریگا-
ڕاپۆرتە ڕۆژنامەوانیەكانی ئیسپانیا وردەكاری ئۆفەرەكەی یانەی بارسێلۆنای ئیسپانیان ئاشكرا كرد كە دەیەوێت لە گواستنەوەكانی هاوینەدا پێشكەشی ڕۆبەرت لیڤاندۆڤسكی پۆڵەندی و ئەستێرەی یانەی بایرن میونشنی ئەڵمانی بكات.
گرێبەستەكەی لیڤاندۆڤسكی لە هاوینی ساڵی 2023 بەسەردەچێت و تا ئێستا نەگەشتوونەتە ڕێككەوتن بەمەبەستی نوێكردنەوەی گرێبەستەكەی.
بەپێی زانیاریەكانی بەرنامەی چیرنگیتۆی ئیسپانی بارسێلۆنا ئۆفەرێكی بۆ ماوەی سێ ساڵ و موچەی ساڵانەی هەشت ملیۆن یۆرۆ پێشكەشی لیڤاندۆڤسكی كردووە.
هەمان سەرچاوە ئاشكرایكردووە كە گۆڵكارە پۆڵەندیەكە لەگەڵ بایرن ساڵانە 12 ملیۆن یۆرۆ وەردەگرێت.
