یاریگا–
یانەی فرایبورگی ئەڵمانی بەشێوەیەکی فەرمی لە فێدراسیۆنی تۆپی پێ وڵاتەکەی، سکاڵای لەسەر ئەنجامی یاری بەرامبەر بایرن میونشن تۆمار کرد.
لە یاری رابردووی نێوان هەردوو یانە لە گەڕی 29 بۆندزلیگا، باڤارییەکان 17 چرکە بە 12 یاریزان یارییان کرد، بۆیە یانەی میواندار کە بە ئەنجامی 1-4 دۆڕابوون، ئێستا سکاڵایان تۆمار کردووە و داوای سێ خاڵی یارییەکە دەکەن.
سکای سپۆرتی ئەڵمانیا بڵاویکردووەتەوە، شارەزایان لەم وڵاتە لەسەر دوو پێشبینی قسەیان هەیە، بۆیە تاوەکو ئێستا دیارنیە چارەنوسی یارییەکە چی بەسەر دێت.
