یاریگا-
یۆرگن كلۆپی ئەڵمانی و ڕاهێنەری یانەی لیڤەرپولی ئینگلیزی ئەركی ڕاهێنەرایەتیكردنی هەڵبژاردەیەكی دیاریكردووە دوای تەواو بوونی گرێبەستەكەی لەگەڵ لیڤەرپول.
گرێبەستەكەی كلۆپ لەگەڵ لیڤەرپول لە هاوینی 2024 بەسەردەچێت و چاوەڕوانیش دەكرێت دوای تەواو بوونی گرێبەستەكەی یانەكە جێبهێڵێت.
بەپێی زانیاریەكانی ڕۆژنامەی بێلد چاوەڕوان دەكرێت كلۆپ ببێتە ڕاهێنەری هەڵبژاردەی ئینگلتەرا نەك هەڵبژاردەی وڵاتەكەی ، بەهۆی ئەو تێكەڵبوونەی كە چەنێكە لەگەڵ یاریزانە ئینگلیزیەكان هەیەتی.
لە ساڵی 2015 كلۆپ هاتە جێگای بریندان ڕۆدجەرز و بوو بە ڕاهێنەری ڕێدز و تا ئێستا توانیویەتی نازناوی چامپیۆنسلیگ، پریمەرلیگ ، جامی یەكێتی ئینگلتەرا ، سوپەری ئەوروپی و جامی جیهانی یانەكان بەدەستبهێنیت.
