ماڕادۆنا لە یاری ڤیدیۆیی فیفا سڕایەوە

یاریگا-کۆمپانیای هونەرە ئەلیکترۆنییەکان دروستکەری یاری ڤیدیۆیی فیفا رایگەیاند وەشانەکانی دیێگۆ ئەرماندۆ ماڕادۆنا لە یارییەکەیدا دەسڕێتەوە.

بەگووتەی کۆمپانیاکە هۆکارەکەی دەگەڕێتەوە بۆ ناکۆکی لەسەر مافی یاسایی بەکارهێنانی ناو و وێنەی ئەفسانە کۆچکردووەکە لەگەڵ پارێزەرەکەیدا.

بەرپرسانی پەرەپێدەری یارییەکە دەشڵێن تا خۆی لە ژیاندا مابوو ئەوان راستەوخۆ لەگەڵ خۆیدا لە پەیوەندیدابوون و بە رەزامەندی خۆی بەشداری پێککراوە بەڵام ئێستا لەلایەن چواردەورەکەیەوە کێشەی یاساییان بۆ دروست کراوە.

ئەو کەسانەی خاوەنی ماڕادۆنان لە یارییەکەدا وەک خۆی دەمێنێتەوە بەڵام چیتر بۆ یاریزانانی دیکە دەرناچێت.