یاریگا-
ڕاپۆرتە ڕۆژنامەوانیەكانی ئیتاڵیا ئاشكرایانكرد پاولۆ دیبالای ئەرجەنتینی و یاریزانی یانەی یوڤێنتوسی ئیتاڵی یانەی داهاتووی خۆی ئاشكرا كردووە.
گرێبەستەكەی دیبالا لەگەڵ یوڤێنتوس لە هاوینی ئەمساڵدا بەسەردەچێت و یاریزانەكەش نایەوێت گرێبەستەكەی نوێ بكاتەوە.
بەپێی زانیاریەكانی پێگەی فوت مێركاتۆ پاولۆ دیبالا داوای لە بەڕێوەبەری كارەكانی كردووە كە لەگەڵ بەڕێوەبەرانی پاریس سان جێرمان گفتۆگۆ بكات بە مەبەستی پەیوەندیكردنی بەو یانەیەوە.
دیبالا لەم وەرزەی سێریا ئەیدا بەشداری لە 21 یاری كردووە و توانیویەتی هەشت گۆڵ تۆمار بكات و پێنج گۆڵیش درووست بكات.
