یاریگا-
یانەی یوڤێنتوسی ئیتاڵی گفتوگۆكانی لەگەڵ بەڕێوەبەری كارەكانی محەمەد سەڵاحی میسڕی و ئەستێرەی یانەی لیڤەرپولی ئینگلیزی دەستپێكرد ، بە مەبەستی گواستنەوەی یاریزانەكە بۆ ڕیزەكانی یانەكەیان.
گرێبەستەكەی سەڵاح لەگەڵ ڕێدز لە هاوینی ساڵی 2023 بەسەردەچێت و تا ئێستا نەگەشتوونەتە ڕێككەوتن بەمەبەستی نوێكردنەوەی گرێبەستەكەی.
بەپێی زانیاریەكانی ڕۆژنامەی لاگازێتا دیلۆ سپۆرتی ئیتالی یوڤێنتوس دەیەوێت لە مێركاتۆی هاوینەدا ئەستێرە میسڕیەكە بگوازێتەوە ڕیزەكانی.
هەمان سەرچاوە ئاشكرایكردووە كە خانمە پیرەكە ئامانجی یەكەمیان گواستنەوەی محەمەد سەڵاحە بۆ شوێنگرتنەوەی پاولۆ دیبالا كە وا بڕیارە هاوینی ئەمساڵ یانەكەی جێبهێڵێت.
ئەوەشیان ئاشكرا كردووە كە یانە ئیتالیەكە لەگەڵ بەڕێوەبەری كارەكانی یاریزانەكە گفتۆگۆیان كردووە.
