یاریگا–
چەند رۆژێکە دەنگۆی ئەوە بڵاوبووەتەوە گوایە کلیان ئێمباپێ هێرشبەری پاریس سانجێرمان ماوەیەکە گرێبەستی لەگەڵ یانەی ریال مەدرید واژۆ کردووە، بەڵام دەنگۆکان رەتدەکرێنەوە.
بولو سانتیاس لە رۆژنامەی وەرزشی مارکای ئیسپانی بڵاویکردەوە، یەکێک لە کەسە نزیکەکانی یاریزانە فەرەنسیەکەی شازادەکان هەموو ئەو دەنگۆیانە رەتدەکاتەوە، کە باس لەوە دەکرێت ئەو یاریزانە ماوەیەکی زۆرە گرێبەستی لەگەڵ مێرنگی واژۆ کردبێت و، هەروەها ئەو یاریزانە تاوەکو کۆتایی ئەم وەرزە هیچ بریارێک نادات.
ئێمباپێ هاوینی داهاتوو گرێبەستەکەی لەگەڵ پاریس سانجێرمان کۆتایی دێت و، تاوەکو ئێستاش ئامادەنیە گرێبەستەکەی نوێ بکاتەوە.
