یاریگا–
ریال مەدرید هەفتەی داهاتوو لە یاری کلاسیکۆ رووبەڕووی بارسێلۆنا دەبێتەوە و، دەنگۆیەک هەبوو کە ئێدێر ملیتاو بەرگریکاری ئەو یانەیە بەشداری یارییەکە نەکات.
رۆژنامەی وەرزشی مارکای ئیسپانیا بڵاویکردەوە، لە چەند رۆژی رابردوو بەرگریکارەکەی مێرنگی تووشی ئەنفلەوەنزایەکی قورس بوو و، مەترسی ئەوەش هەبوو تووشی ڤایرۆسی کۆرۆنا بێت، بەڵام دوای ئەنجامدانی پشکنین دەرکەوت ئەنجامەکەی نێگەتیڤە.
سەرچاوەکە بڵاویشی کردەوە ملیتاو تەنها بۆ یاری ئەمشەو بەرامبەر مایۆرکا بەشداری ناکات و، چاوەڕێش دەکرێت لە چەند رۆژی داهاتوو دەست بە راهێنانەکانی بکاتەوە.
