یاریگا–
خوان لاپۆرتا، سەرۆکی یانەی بارسێلۆنای ئیسپانیا بە ئەستەمی دەزانێت بتوانن ئێرلینگ هالاند بۆ ریزەکانیان بگوازنەوە.
لە چاوپێکەوتنێکدا لەگەڵ کەناڵی Esport3 سەرۆکی یانە کەتەلۆنیەکە لەبارەی گواستنەوەی هێرشبەرە نەرویجیەکە دەڵێت ” ئەگەر لە باشترین بارودۆخی داراییدا بین، ئامادەنین یاریزانێک بگوازینەوە کە لە بەرژەوەندی یانەکەمان نەبێت، هیچ گواستنەوەیەک ئەنجام نادەین کە چارەنوسی یانەکەمان بخاتە مەترسیەوە، هاندەرەکانمان ئارەزووی گواستنەوەی یاریزانی بەناوبانگ دەکەن، بەڵام بەرژەوەندی یانەکەمان لەسەرووی هەموو شتێکە “.
ئەم قسانەی لاپۆرتا هاندەرانی بارسێلۆنای بێ هیوا کردووە، چونکە لە ماوەی رابردوو دەنگۆیەکی بەهێز هەبوو گوایەهەوڵی گواستنەوەی هالاند دەدەن.
