یاریگا-
ڕاپۆرتە ڕۆژنامەوانیەكانی ئیسپانیا گرنگترین پێشهاتەكانی داهاتووی كیلیان ئیمباپێی فەڕەنسی و ئەستێرەی یانەی پاریس سان جێرمان ئاشكرا كرد.
گرێبەستەكەی ئیمباپێ لەگەڵ پاریس لە هاوینی ئەمساڵدا بەسەردەچێت و یاریزانەكەش نایەوێت گرێبەستەكەی نوێ بكاتەوە و دەیەوێت پەیوەندی بە یانەی ڕیاڵ مەدریدەوە بكات.
بەپێی زانیاریەكانی ڕۆژنامەی ماركای ئیسپانی ڕیاڵ مەدرید و ئیمباپێ گەشتوونەتە ڕێككەوتن لەسەر واژۆكردنی گرێبەستەكەی بۆ پەیوەندیكردنی بە یانە شاهانەكەوە لە پێش ڕۆژی هەینیەوە.
هەروەها هەمان سەرچاوە ئاشكرایكردووە كە ئامانجی ڕیاڵ مەدرید ئەوەیە لە هەفتەی داهاتوودا گرێبەستەكە یەكلای بكاتەوە.
ڕۆژنامە ئیسپانیەكە ئەوەشی ئاشكرا كردووە كە ئیمباپێ بڕی 60 بۆ 80 ملیۆن یۆرۆ وەك بەخشیش وەردەگرێت و موچەی ساڵانەی 25 ملیۆن دەبێت.
