ڕیكۆردەكانی لیڤا دوای تۆماركردنی هاتریكەكەی بەرامبەر سالزبۆرگ

یاریگا-

ژمارە پێوانەییەكانی دوای تۆماركردنی هاتریكەكەی ڕۆبەرت لیڤاندۆڤسكی پۆڵەندی و ئەستێرەی یانەی بایرن میونشنی ئەڵمانی بەرامبەر سالزبۆرگ لە خولی یانە پاڵەوانەكانی ئەوروپادا.

بایرن میونشن لە یاریگای خۆیدا میوانداری سالزبۆرگی كرد و یاریەكەشی بە ئەنجامی حەوت گۆڵ بەرامبەر گۆڵێك لێ بردەوە و خۆی گەیاندە قۆناغی هەشتی خولی یانە پاڵەوانەكانی ئەوروپا.

لە خولەكەكانی 12 , 21 , 23 لیڤاندۆڤسكی توانی سێ گۆڵ تۆمار بكات.

بەپێی تۆڕی ئۆپتا كە تایبەتە بە ژمارە و ئامارەكان هاتریكەكەی لیڤا خێراترین هاتریك بوو لە مێژووی خولی یانە پاڵەوانەكانی ئەوروپادا.

بە تۆماركردنی ئەو هاتریكە لیڤا كۆی گۆڵەكانی لە چامپیۆنسلیگ گەیاندە 12 گۆڵ و بوو بە گۆڵكاری خولەكە و پێش سیباستیان هایەر كەوت.