یاریگا-
یانەی بارسێلۆنای ئیسپانی دەیەوێت لە گواستنەوەكانی هاوینەدا ئیرلینگ هالاندی نەرویجی و ئەستێرەی یانەی بۆرووسیا دۆرتمۆندی ئەڵمانی بگوازێتەوە ڕیزەكانی یانەكەی.
گرێبەستەكەی هالاند لەگەڵ بۆرووسیا دۆرتمۆند لە هاوینی 2024 بەسەردەچێت.
ڕۆژنامەی مۆندۆ دوای كۆبونەوەی نێوان خوان لاپۆرتای سەرۆكی بارسێلۆنا و مینۆ ڕایۆلای بەڕێوەبەری كارەكانی هالاند وردەكاری گرێبەستەكەی گۆڵكارە نەرویجیەكە ئاشكرا دەكات.
هەمان سەرچاوە ئاشكرایكردووە كە گرێبەستەكەی هالاند لەگەڵ بلاوگرانا بۆ ماوەی پێنج ساڵە و موچەی یاریزانەكە لە ماوەی ئەو پێنج ساڵەدا دەگاتە 195 ملیۆن یۆرۆ.
ڕۆژنامەكە ئەوەشی ئاشكرا كردووە هێرشبەرە 21 ساڵانەكە لە وەرزی یەكەمیدا 20 ملیۆن یۆرۆ وەك موچەی ساڵانە وەردەگرێت و بۆ هەر وەرزێك 10 ملیۆن یۆرۆ زیاد دەكات تا لە وەرزی پێنجەمدا دەگاتە 55 ملیۆن یۆرۆ لە ساڵێكدا.
