سوپەر لیگ بە شێوازێكی جیاواز دەگەڕێتەوە

یاریگا-

ڕاپۆرتە ڕۆژنامەوانیەكانی ئیسپانیا ئاشكرایانكرد كە پڕۆژەی سوپەر لیگ بە شێوازێكی جیاواز دەگەڕێتەوە.

لە ماوەی ڕابردوودا بە بەشداری 11 یانەی زلهێزی ئەوروپا پڕۆژەیەكی نوێ بە ناوی سوپەرلیگ ڕاگەیەندرا بە سەرۆكایەتی فلۆرینتینۆ پێرێزی سەرۆكی یانەی ڕیاڵ مەدرید ، دوای هەڕەشەكانی یەكێتی تۆپی پێی ئەوروپا بۆ ئەو یانانەی بەشدارن 9 یانە كشانەوەی خۆیان ڕاگەیاند و تەنها بارسێلۆنا ، ڕیاڵ مەدرید و یوڤێنتوس ماونەتەوە.

بەپێی زانیاریەكانی ڕۆژنامەی ئاسی ئیسپانی پڕۆژەی سوپەر لیگ بەشێوازێكی جیاواز دەگەڕێتەوە و ئەم هەفتە بڕیاری چارەنووسساز دەدرێت.

هەمان سەرچاوە ئاشكرایكردووە كە ئەو سێ یانەیە بە نیازی پڕۆژەیەكی نوێن و پێنج شەممەی داهاتوو ئەندریا ئانێلی وردەكاری سوپەرلیگە نوێیەكە ئاشكرا دەكات.