بریکارەکەی گاڤی چی دەکرد لە ئۆفیسی ریاڵ مەدرید؟

یاریگا-سەرەتای ئەم هەفتەیە هاندەرانی بارسێلۆنا ترس کەوتە دڵییان کاتێک راگەیەندرا  دێ لا پێنای بریکاری کارەکانی ئەو یاریزانە لەگەڵ مەدرید کۆبووەتەوە.

گاڤی تەمەنی تەنها ١٧ ساڵە و بووەتە یاریزانی سەرەکی بارسا و هەڵبژاردەی ئیسپانیاش بەڵام گرێبەستەکەی ساڵی داهاتوو بەسەردەچێت و تا ئێستا نوێ نەکراوەتەوە.

بەگوێرەی رۆژنامەی مارکا، چوونی دێ لا پێنای مایەی نیگەرانی نیە بۆ بارسا چونکە ئەو بریکارە کار بۆ یاریزانێکی تیمی دووهەمی ریاڵ مەدرید دەکات بە ناوی مارک کوکاڵۆن و بۆ ئەوە چووە باسی نوێکردنەوەی گرێبەستەکەی بکەن لەگەڵ مەدرید.

لەگەڵ ئەوەشدا تا ئێستا مانەوەی گاڤی لە بارسا یەکلانەبووەتە و هەردوولا رێکنەکەوتوون لەسەر موچە و خاڵەکانی نێوانیان.