یاریگا-
ڕۆبەرت لیڤاندۆڤسكی پۆڵەندی و ئەستێرەی یانەی بایرن میونشنی ئەڵمانی هیواخوازە لەگەڵ كەریم بێنزیمای فەڕەنسی و هێرشبەری یانەی ڕیاڵ مەدرید ، ئیرلینگ هالاندی نەرویجی و هێرشبەری یانەی بۆرووسیا دۆرتمۆند و كیلیان ئیمباپێی فەڕەنسی و هێرشبەری یانەی پاریس سان جێرمان یاری بكات.
گرێبەستەكەی لیڤاندۆڤسكی لەگەڵ بایرن میونشن لە هاوینی ساڵی 2023 بەسەردەچێت.
لە چاوپێكەوتنێكیدا لەگەڵ ڕۆژنامەی ”تیلیفوت” ستایشی ئاستی ئەو سێ هێرشبەرە دەكات و لە وەڵامی ئەو پرسیارەی كە كامیان باشترن باشترین یاریزانی جیهان ووتی: ناتوانم یەكیان دەستنیشان بكەم ، من هەموویان هەڵدەبژێرم كە یاری بكەم لە تەنیشتیان.
هەروەها ووتیشی: لەو باوەڕەدام هەریەكەیان و لە شتێكدا نایابن ، كەسایەتی جیاوازین هەیە لە یاریگادا.
