یاریگا-
یانەی بارسێلۆنای ئیسپانی دەیەوێت لە گواستنەوەكانی هاوینی داهاتوودا ئیرلینگ هالاندی نەرویجی و ئەستێرەی یانەی بۆرووسیا دۆرتمۆندی ئەڵمانی بگوازێتەوە ڕیزەكانی.
گرێبەستەكەی هالاند لەگەڵ یانەكەی لە هاوینی 2024 بەسەردەچێت بەڵام بڕی هەڵوەشاندنەوەی گرێبەستەكەی 75 ملیۆن یۆرۆیە.
هێشتا داهاتووی گۆڵكارە نەرویجیەكە دیار نیە و یانە زلهێزەكانی ئەوروپا دەیانەوێت ئەو یاریزانە بگوازنەوە.
ڕۆژنامەی سپۆرتی ئیسپانی ئاشكرایكردووە یانەی بارسێلۆنا ڕكابەرێكی بەهێزە بۆ گواستنەوەی هالاند ، سەرەڕای ئەوەی قەرزێكی زۆریان لەسەرە كە بە 1.35 ملیار یۆرۆ مەزەندە دەكرێت.
شانبەشانی بارسێلۆنا هەریەك لە یانەكانی ڕیاڵ مەدرید و مانچێستەر سیتیش هەوڵی گواستنەوەی هالاند دەدەن بۆ ڕیزەكانیان.
