یاریگا-
پێر ئیمیریك ئۆبامیانگی گابۆنی و هێرشبەری نوێی یانەی بارسێلۆنای ئیسپانی داوای مانەوەی عوسمان دیمبلی فەڕەنسی و یاریزانی بارسێلۆنا دەكت لە ڕیزەكانی یانەكەیان.
ئۆبامیانگ بە گرێبەستێكی ئازاد لە گواستنەوەكانی زستانەدا ئەرسیناڵەوە پەیوەندی بە ڕیزەكانی بارسێلۆناوە كرد.
ئۆبامیانگ لە لێدوانیدا كە ڕۆژنامەی مۆندۆ دیپۆرتیڤۆی ئیسپانی بڵاویكردووەتەوە ووتی: لە ڕاستیدا دیمبلی پەیامێكی بۆ ناردم تا بزانێت پەیوەندی بە بارسێلۆناوە دەكەم یان نا ، شتێكی نایابە كە دووبارە پێكەوە یاری بكەینەوە لە دوای پێكەوە یاریكردنمان لە دۆرتمۆند ، ئەو یاریزانێكی نایابە.
هەروەها ووتیشی: عوسمان یەكێكە لە باشترین یاریزانەكانی جیهان ، وەك هێرشبەر ئەو نایابە ، ڕاستی بڵێم من زۆر دڵخۆشم كە لێرەم و كاتێك پێی گەشتم پێم ووت ” دەبێت بمێنیتەوە ئەی پیاو ”.
گرێبەستەكەی دیمبلی لەگەڵ بارسێلۆنا لە هاوینی ئەمساڵدا بەسەردەچێت و یاریزانەكە ئازاد دەبێت پەیوەندی بە چ یانەیەكەوە بكات.
