یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد چەند یانەیەكی زلهێزی ئەوروپا كێبڕكێی گواستنەوەی ئەستێرەیەكی یانەی ناپۆلی ئیتاڵی دەكەن و یانەكەش نرخی دیاریكردووە.
گرێبەستەكەی فابیان ڕویز لەگەڵ ناپۆلی لە هاوینی 2023 بەسەردەچێت.
ڕۆژنامەی ئاسی ئیسپانی ئاشكرایكردووە ناپۆلی دەیەوێت لە گواستنەوەكانی هاوینی داهاتوودا دەستبەرداری یاریزانەكە ببێت دوای ئەوەی ڕەتیكردەوە گرێبەستەكەی لەگەڵ ناپۆلی نوێ بكاتەوە.
یانە ئیتالیەكە داوای 18 ملیۆن یۆرۆ دەكات بۆ دەستبەرداربوون لە ناوەڕاستكارە 25 ساڵانەكە.
هەمان سەرچاوە ئاشكرایكردووە كە هەریەك لە یانەكانی ئەرسیناڵ ، ڕیاڵ مەدرید و بارسێلۆنا كێبڕكێی گواستنەوەی یاریزانە ئیسپانیەكە دەكەن.
