یاریگا–
کلیان ئێمباپێ هێرشبەری فەرەنسی پاریس سانجێرمان و، هەروەها ئێرلینگ هالاند هێرشىەری نەرویجی یانەی بورووسیا دۆرتمۆندی ئەڵمانیا، بونەتە ئامانجی یانەی ریال مەدریدی ئیسپانیا و بەرپرسێکی باڵای ئەم وڵاتەش ئاشکرای دەکات ئەو دوو یاریزانە پەیوەندی بە شاهانەکانەوە دەکەن.
خاڤیەر تێباس سەرۆکی ئەنجومەنی لالیگای ئیسپانیا لە چاوپێکەوتنێکدا لەگەڵ کەناڵی ABCـی وڵاتەکەی ئاشکرای دەکات ” هەردوو یانەی ریال مەدرید و بارسێلۆنا کێبڕکێی یەکتری دەکەن بۆ گواستنەوەی ئەو دوو یاریزانە، من پێموایە بلاوگرانا بەهۆی قەرزە کەلەکەبووەکانی لە توانایدا نیە ئەو یاریزانانە بگوازیتەوە، لە بەرامبەردا شاهانەکان بارودۆخیان باشە و بە ئاسانی ئەو یاریزانانە دەگوازێتەوە ”.
ئێمباپێ گرێبەستەکەی هاوینی داهاتوو کۆتایی دێت و دەتوانێت بێ بەرامبەر یانەکەی جێبێڵێت، هەرچی هالاند ئەو یاریزانەش بەرامبەری 75 ملیۆ یۆرۆ دەتوانێت یانەکەی جێبێڵێت.