محەمەد سەڵاح ژمارەیەكی پیتەر كراوچی یەكسان كردەوە

یاریگا-

محەمەد سەڵاحی میسڕی و ئەستێرەی یانەی لیڤەرپولی ئینگلیزی ژمارەیەكی پێشووی پیتەر كراوچی یەكسان كردەوە.

ئینتەر میلان لە یاریگای تایبەت بە خۆی میوانداری لیڤەرپولی كرد و یاریەكەش لە بەرژەوەندی یانەی میوان بەدوو گۆڵی بێ وەڵام كۆتایی هات ، لە میانەی یاری چوونی قۆناغی 16ی خولی یانە پاڵەوانەكانی ئەوروپادا.

گۆڵەكانی لیڤەرپول لەلایەن ڕۆبێرتۆ فێرمینهۆ لە خولەكی 75و محەمەد سەڵاح لە خولەكی 83 تۆمار كران.

بەپێی تۆڕی ئۆپتا كە تایبەتە بە ژمارە و ئامارەكان محەمەد سەڵاح دووەم یاریزانە كە بتوانێت لە وەرزێكی چامپیۆنسلیگدا گۆڵ لە ئینتەر میلان و ئەی سی میلان تۆمار بكات لە دوای پیتەر كراوچ كە لەگەڵ تۆتنهام وەرزی 2010-2011 ئەنجامیدا.