مانچێستەر سیتی ژمارەیەكی نایابی لە چامپیۆنسلیگ تۆماركرد

یاریگا-

یانەی مانچێستەر سیتی ئینگلیزی ژمارەیەكی نایابی لە خولی یانە پاڵەوانەكانی ئەوروپا تۆماركرد.

سپۆرتینگ لشبۆنە لە یاریگای خۆیدا میوانداری مانچێستەر سیتی كرد و یاریەكەش بە پێنج گۆڵی بێ وەڵام لە بەرژەوەندی یانەی میوان كۆتایی هات.

گۆڵەكانی سیتی لەلایەن ڕیاز مەحرەز ، بێرناردۆ سێلڤا دوو گۆڵ ، فیل فۆدین و ڕەحیم ستیرلینگ تۆمار كران.

بەپێی تۆڕی ئۆپتا كە تایبەتە بە ژمارە و ئامارەكان مانچێستەر سیتی چوویە ڕیزی ئەو 13 یانەیەوە كە 200 گۆڵیان لە چامپیۆنسلیگ تۆمار كردووە.

هەمان سەرچاوە ئاشكرایكردووە كە مانچێستەر سیتی بە كەمترین یاری گەشتووەتە ئەو ژمارە گۆڵە و بەوەش بوو بە خێراترین یانە بگاتە ئەو ژمارەیە.

مان سیتی بە ئەنجامدانی تەنها 97 یاری توانی 200 گۆڵ تۆمار بكات ، لە خولی یانە پاڵەوانەكانی ئەوروپادا.