یاریگا-
ڤینیسیۆس جونیۆر، یاریزانی بەڕازیلی یانەی ریال مەدریدی ئیسپانیا ئەم وەرزە لەگەڵ کەریم بێنزێمای هاوڕێی ئاستێکی باشیان پێشکەش کردووە، بەڵام دوای دوورکەوتنەوەی یاریزانە فەرەنسیەکە، ئەو یاریزانە ئامارەکانی دابەزیون.
رۆژنامەی وەرزشی ئاسی ئیسپانی بڵاویکردەوە، یاریزانە بەڕازیلیەکەی شاهانەکان لەو کاتەی هاوڕێ فەرەنسیەکە بەهۆی پێکان دوورکەوتووەتەوە، لە کۆی شەش یاری تەنها یەک گۆڵی کردووە، بۆیە ئەو یاریزانە هیواخوازە کەریم بۆ یاری داهاتوو بەرامبەر پاریس سانجێرمان بگەڕێتەوە.
ڤینیسیۆس و بێنزێما ئەم وەرزە لە سەرجەم خوڵ و پاڵەوانتییەکان توانیویانە 39 گۆڵ بۆ ریال مەدرید تۆمار بکەن.
