یاریگا-
ڕائول ئەلبیۆلی ئیسپانی و بەرگریكاری یانەی ڤیاڕیاڵی هەمان وڵات باس لە ڕووبەڕووبوونەوەیان بەرامبەر ڕیاڵ مەدرید دەكات.
ڤیاڕیاڵ لە یاریگای خۆیدا میوانداری ڕیاڵ مەدریدی كرد و یاریەكەش بە بێ گۆڵ بۆ هەردوولا یەكسان بوون ، لە میانەی یاریەكانی هەفتەی 24ی خولی ئیسپانیا.
لە گێمی یەكەمی یاریەكەدا لە دیمەنێكدا ڤینیسیۆس و ڕائول ئەلبیۆل بەریەك كەوتن و ناوبژیوان لێدانی سزای بۆ ڕیاڵ مەدرید هەژمار نەكرد.
ئەلبیۆل لە لێدوانیدا بۆ ڕۆژنامەی ماركا ووتی: هێرشكردنە سەر ڤینیسیۆس؟ نەمبینی، بەڵام ئەگەر بمویستایە هێرش بكەمە سەری دڵنیام كە خوێنم لێ دەهێنا.
ڕیاڵ مەدرید بە كۆكردنەوەی 54 خاڵ لە پلەی یەكەم دێت و ڤیاڕیاڵیش بە كۆكردنەوەی 36 خاڵ لە پلەی شەشەم دێت.
