یاریگا-
میمفیس دیپای هۆڵەندی و هێرشبەری یانەی بارسێلۆنای ئیسپانی داهاتووی خۆی لەگەڵ یانەكەی یەكلاكردەوە.
بەپێی زانیاریەكانی ڕۆژنامەی سپۆرتی ئیسپانی دیپای نزیكە لە جێهێشتنی بارسێلۆنا لە هاوینی داهاتوودا و یاریزانەكە لە گواستنەوەكانی زستانەدا ئۆفەری لە یانەكانی ئیتاڵیەوە بۆ هات.
گرێبەستەكەی دیپای لەگەڵ بارسێلۆنا لە هاوینی 2023 بەسەردەچێت.
دوای ئەوەی بارسێلۆنا لە گواستنەوەكانی زستانەدا هەریەك لە هێرشبەران فێران تۆرێس و ئاداما تراوری و پیر ئیمیریك ئۆبامیانگی هێنایە ڕیزەكانیەوە ، دیپای لە ئێستادا خۆی لە بارودۆخێكی سەختدا دەبینێت و نازانێت چاڤی بە هەبوونی ئەو هێرشبەرانە پشتی پیدەبەستێت یاخود نا.
سبەینێ یەكشەممە بارسێلۆنا دەبێتە میوانی ئیسپانیۆل لە میانەی یاریەكانی هەفتەی 24ی خولی ئیسپانیادا.
